芝加哥串燒酒場 (明雲閣)

Open Now

Now Closed

呢間酒吧酒精類飲品有好多選擇，嗌咗 2杯cocktail - peach mojito同nothing，大杯兼精美，十分適合愛酒人士！嗌咗個拉面好有驚喜，除左個量夠多之外，面質同豬骨濃湯都十分有質素，唔輸比坊間既拉面店，蜜汁黑豚扒外香內軟，香口多汁，仲有兜蜜糖比你點！串燒方面我最鍾意雞子同玉子燒，平時打邊爐雞子就食得多，第一次食燒雞子，冇咁腥同埋口感更實淨，玉子燒甜甜地好好食。串燒嘅調味好正，好鍾意孜然粉！推介XO醬燒生蠔，d蠔幾大隻，夾埋足料XO醬一齊燒，十分香口多汁！整體嚟講非常推介呢間酒吧，嘢飲、串燒都好多多選擇，味道仲要高質素，性價比極高！