田浦食肉

Open Now

Now Closed

心心念念好耐既韓燒終於比我食到啦😍一坐低店員先安排一大堆前菜，睇見都開心~真係好似去咗韓國咁🇰🇷一見到menu有醬油蟹真係諗都唔諗即刻order先🖤不愧為白飯小偷，呢碟蟹令我食咗兩大碗飯!肉質鮮甜入口即溶既蟹肉，仲有好多膏，而且味道岩岩好😍🖤燒牛排骨套餐Oppa店員係我地面前幫我地燒埋剪埋，仲擺碟擺到好靚，大家都忍唔住打卡影反張相先! 講反個味道先，牛排骨本身冇加任何醬汁去醃，食到原汁原味，熟成度岩岩好，仲好多肉汁🖤仲叫咗韓式煎餅,大醬湯脆邊既煎餅是必須的，特別係岩岩煎起，熱辣辣!再加埋食燒肉必點既大醬湯真係100分!