Video
Read full review
2025-08-13
538 views
成日都想食下海鮮補返下，已經去過街市想買花甲買唔到啱心水既，又要花時間吐沙真係搞唔掂，寧願出街食。啱好同朋友會係銅鑼灣見面，聽聞銅鑼灣有間隱藏海鮮寶藏餐廳，唔使去離島，每日坪洲直送嘅平靚正海鮮，午市套餐性價比又高，90蚊港幣都有找，就去試試。｛例湯｝員工好熱情，一坐低已經送上熱湯一碗，係大排檔vibe既環境裡面飲碗熱湯，菜根豬骨湯，別有一番風味。｛豉椒炒花甲 跟飯｝基本上份量好夠，同埋基本上每粒花甲都開左殼，豉椒伴隨住鑊氣，同埋惹味醬汁，撈飯食真係一流。｛椒鹽鮮魷 跟飯｝朋友叫左呢個，我一見到已經開始覺得隔離飯餸香，真心好好食，因為佢本身都唔會好重味，伴埋椒鹽真係啱啱好，又香口，份量又大，我地都好鍾意呢款菜式。｛芝麻餅｝呢個都好唔錯，坪洲特產。兩個女仔食兩塊大餅真係完全夠曬，份量真係好足夠，建議呢個都可以三到四人分。｛飲品｝飲品都係跟餐，熱凍都係唔洗加錢。同埋有我個人最鍾意既茶走。冇咁肥，好好^^味道：8.5/10新鮮程度：9/10環境：9/10服務：9/10設備齊全程度：8/10回頭率：8/10📍 囍筷大排檔銅鑼灣登龍街28號永光中心1樓🈺營業時間星期一至五：11-15:00，18-
成日都想食下海鮮補返下，已經去過街市想買花甲買唔到啱心水既，又要花時間吐沙真係搞唔掂，寧願出街食。
啱好同朋友會係銅鑼灣見面，聽聞銅鑼灣有間隱藏海鮮寶藏餐廳，唔使去離島，每日坪洲直送嘅平靚正海鮮，午市套餐性價比又高，90蚊港幣都有找，就去試試。
｛例湯｝員工好熱情，一坐低已經送上熱湯一碗，係大排檔vibe既環境裡面飲碗熱湯，菜根豬骨湯，別有一番風味。
｛豉椒炒花甲 跟飯｝基本上份量好夠，同埋基本上每粒花甲都開左殼，豉椒伴隨住鑊氣，同埋惹味醬汁，撈飯食真係一流。
｛椒鹽鮮魷 跟飯｝朋友叫左呢個，我一見到已經開始覺得隔離飯餸香，真心好好食，因為佢本身都唔會好重味，伴埋椒鹽真係啱啱好，又香口，份量又大，我地都好鍾意呢款菜式。
｛芝麻餅｝呢個都好唔錯，坪洲特產。兩個女仔食兩塊大餅真係完全夠曬，份量真係好足夠，建議呢個都可以三到四人分。
｛飲品｝飲品都係跟餐，熱凍都係唔洗加錢。同埋有我個人最鍾意既茶走。冇咁肥，好好^^
味道：8.5/10
新鮮程度：9/10
環境：9/10
服務：9/10
設備齊全程度：8/10
回頭率：8/10
📍 囍筷大排檔
銅鑼灣登龍街28號永光中心1樓
🈺營業時間
星期一至五：11-15:00，18-22:00
星期六至日：12-15:00，18-23:00
Post
