南小館Plus (Closed)

以前經常去南小館食小籠包，因為佢真係好抵食，好平，但自從佢愈開愈多分店，價格持續上升就冇再去了。今日再踏足嘅原因係佢竟然出左酸菜魚，作為一個酸菜魚迷，當然要去試一試。酸菜魚嚟到目測個湯都比較油，但係一個酸菜魚好唔好食真係要試下個湯先知。飲落唔係真係咁油，最重要係佢調過個辣度，絕對適合香港人口味，而酸度亦都好夠，最令我意外嘅係佢除左酸菜同醃蘿蔔外，仲有萵筍，金針同紫薯粉。不過佢個醃蘿蔔偏甜，我覺得麻麻地，酸菜味道都偏淡，唔夠酸。不過佢個魚係用鱸魚，都好滑。我覺得喺香港188蚊嚟講算係咁。而佢嘅小籠包當然唔少得，依舊係皮薄彈牙，肉汁都好甜，好食，冇退步。食物質素依舊，只係價錢貴左，不過喺叔唔到大陸嘅情況下，我都會嚟依酸菜魚嘅。