越北牛肉粉專門店

Open Now

Now Closed

呢間一向都係穩陣嘅越南菜今次嗌咗海防蕃茄蟹湯檬，入面有蝦丸，蟹，同埋扎肉，蝦丸彈牙，蟹就無乜用，不過有鮮味，扎肉食到有胡椒粒同埋好似軟骨嘅口感，而個蕃茄湯底有好多肉碎，雖然蕃茄味唔係好濃，但可能因為有肉碎同蟹，個湯底好鮮甜屋企人就嗌左越北綜合牛肉湯河，入面有生牛肉，牛腩片同埋牛丸，因為外賣關係，嚟到嘅時候生牛肉已經全熟，牛腩片就正常，牛丸係比較細粒，實肉但重牛味，都不錯另外嗌咗個小食拼盤($118) 有蝦餅，魚餅，墨魚餅，煎扎肉，扎肉，雞肉串，同埋胡椒豬肉串，雞肉串同豬肉串都好大串同入味，魚餅比較辣，而其他餅類就唔係好彈牙，普普通通，但係咁嘅價錢就可以食到咁多款小食，都幾抵