Itsupon Syokudou

放工後到觀塘逛逛，商場到處都充滿節日氣氛，未到聖誕已經有聖誕的感覺，明明都仲係返緊工，已經有唔想返工想放假的感覺呀。今天我的覓食之旅，找到一間位於鴻圖道的日式料理店一本食堂。還記得友人話曾經想去呢間店試下，今次正好滿足了佢的願望。餐廳佈置挺漂亮，光線亦充足。

今日唔算好肚餓，加上天氣凍凍，點左兩件生蠔，三文魚加洲卷，一碟刺身，同一個鍋物。

先講生蠔，估不到日式料理店有生蠔，而且係時令的，今晚的係法國生蠔，都係$13蚊隻，價錢都算抵食。甜美蠔肉，淡淡的海水味，很適合作開胃前菜。

時令生蠔

點左一個特色刺身，大約$58元，有海膽，希靈魚，蝦，三文魚同魷魚，性價比很高。海膽的份量比想像中還要多，鮮甜味香！可以係我今年裡邊食過咁多間日本店中，性價比最高的菜式！

三文魚加洲卷

三文魚軟殼蟹加洲卷（$76）總共六大件，足料大大份！

海鮮鍋烏冬

烏冬海鮮鍋（$86），雖然面頭放了好common的蟹柳，但內裡材料都好豐富，有蝦、蛤、青口、蠔、金菇、冬菇、豆腐。湯汁雪白甘甜鮮美，吸收了海鮮的精華。

更重要呢，用餐完成後每人送雪糕一杯，為今晚晚餐畫上完美的句號。

埋單加埋一都係270蚊左右。