品坊 (Closed)

生日死佬帶我黎食夜晚buffet，大約6:20分左右到達已經有人排隊等入場，等左陣就可以入去坐啦，坐嚮近飲品海鮮果到啲二人位，諗住可以靜靜地，點知當晚都唔少大陸人，所以唔會靜得去邊，好彩佢地冇成盆成碟海鮮帶返位食咋，唔係就冇海鮮食啦～由於我去埋洗手間出黎已經可以出去拎野食，所以影唔到出面食物啲相啦，海鮮有長腳蟹，小龍蝦，青口，冷蝦，帶子，瀨尿蝦，帶子食完換左做蜆，唔少選擇，最重要係有即開生蠔，每次限拎兩隻，全晚得一個師傅負責開蠔，真係辛苦哂佢了~沙律都好多選擇十幾款，因為做緊三文魚主題，所以煙三文魚都有兩款，刺身有四五款，當中三文魚又係兩款，正呀～熟食有十樣八樣，飲品除左咖啡機外仲有四款果汁，甜品都唔少，不過蛋糕佢一個圓形切16件左右，唔係一口一啖嘅size，雖然想食不過知食唔哂而冇食到好可惜，雪糕有哈根大師仲要係六款味，成餐飯冇得輸啦～早鳥優惠有6折，先落訂200蚊，埋單就大約400，每位唔洗300蚊有即開生蠔，三文魚主題，哈根大師，真係冇得彈呀～