Video
Read full review
2019-04-29
62 views
尖沙咀不錯的燒肉放題🥩本人真係最好鍾意食日式燒肉，假日午餐突然好想食燒肉，搵到尖沙咀有間日本燒肉放題，環境唔錯又坐得舒服🙃午市去到唔算好多人，餐廳裝修具日式風味，打開餐牌298任食，仲有和牛💖流曬口水🤤餐廳係用ipad落單，非常方便。食物非常多種類，首先有刺身、燒肉、壽司、卷物、海鮮、炸物、小食、飲品等等，超級多選擇🤩叫咗刺身，揀咗北寄貝、三文魚、帶子、八爪魚、甜蝦🙃刺身好新鮮，甜蝦大大隻 北寄貝夠爽口，三文魚肥美，不過帶子就比較薄片，八爪魚都爽口，刺身質素認真唔錯😋壽司方面🍣叫咗魚子及和牛壽司。和牛壽司一定要叫，推介❤️ 火炙和牛半生熟，入口即溶，超好味☺️💕 我都加咗幾次單。前菜叫咗螺肉及八爪魚，螺肉好大粒。放題仲有海鮮🦐真係正呀！叫咗蝦 新鮮大隻又爽口，仲有蠔及帶子，可以放喺個鐵盤上慢慢燒，另外可再加蒜蓉 🤩燒肉方面，必點當然係牛肉😍和牛粒偏肥美，咬落去充滿油脂，和牛味香😙另外仲有安格斯牛柳粒，呢個牛味更加重 我反而覺得呢個更好食😋和牛牛小扒，脂肪分佈均勻 ，牛肉夠淋；牛肋扒牛味香👍除咗牛肉之外，豬肉都幾出色。有唔同口味：有醬油味、洋蔥味、唐辛子豬頸肉，多款口味。 仲有日本黑豚肉及西
本人真係最好鍾意食日式燒肉，假日午餐突然好想食燒肉，搵到尖沙咀有間日本燒肉放題，環境唔錯又坐得舒服🙃
午市去到唔算好多人，餐廳裝修具日式風味，打開餐牌298任食，仲有和牛💖流曬口水🤤餐廳係用ipad落單，非常方便。食物非常多種類，首先有刺身、燒肉、壽司、卷物、海鮮、炸物、小食、飲品等等，超級多選擇🤩
叫咗刺身，揀咗北寄貝、三文魚、帶子、八爪魚、甜蝦🙃刺身好新鮮，甜蝦大大隻 北寄貝夠爽口，三文魚肥美，不過帶子就比較薄片，八爪魚都爽口，刺身質素認真唔錯😋
壽司方面🍣叫咗魚子及和牛壽司。和牛壽司一定要叫，推介❤️ 火炙和牛半生熟，入口即溶，超好味☺️💕 我都加咗幾次單。
前菜叫咗螺肉及八爪魚，螺肉好大粒。
放題仲有海鮮🦐真係正呀！
叫咗蝦 新鮮大隻又爽口，仲有蠔及帶子，可以放喺個鐵盤上慢慢燒，另外可再加蒜蓉 🤩
燒肉方面，必點當然係牛肉😍和牛粒偏肥美，咬落去充滿油脂，和牛味香😙另外仲有安格斯牛柳粒，呢個牛味更加重 我反而覺得呢個更好食😋和牛牛小扒，脂肪分佈均勻 ，牛肉夠淋；牛肋扒牛味香👍
除咗牛肉之外，豬肉都幾出色。有唔同口味：有醬油味、洋蔥味、唐辛子豬頸肉，多款口味。 仲有日本黑豚肉及西班牙黑豚五花腩，味道唔錯。其他仲有雞泡魚、腸、墨魚丸等等🙃
炸蝦、一口甜薯、牛油粟米、全部都唔錯😁 價比高嘅放題🥩
Post
