樓下冰室

Open Now

Now Closed

今日去接女朋友放工，順便食過靚飯。 佢選擇左依間人氣「樓下冰室」。 我同女友都幾鍾意依間，裝潢帶復古風幾特別、座位舒適、性價比高又多選擇。-⭐️特色番茄🍅濃湯通粉、牛乳炒蛋 配厚切牛乳炒蛋治 這是餐廳其中一款招牌菜。 蕃茄濃湯標榜不含味精，真材實料用上鮮蕃茄、豬骨及雞骨餚製多個小時，所以份外鮮甜濃郁。牛乳炒蛋又係好正，色澤金黃蛋味香濃又滑嫩，所以套餐選擇配厚切蛋治先夠喉。-⭐️焗鮮茄豬扒飯 蕃茄湯出色，這份鮮茄豬扒飯亦有睇頭。見到賣相都覺得正！ 三大塊厚切煎豬扒，芝士味香濃，蛋炒飯夠鑊氣夠爽身不膩，配上酸酸甜甜茄汁，愈食愈開胃。-餐廳多款小食都超有水準😋⭐️焗芝士肉醬薯角 薯角鋪滿芝士肉醬，肉醬味濃郁，吃得過癮。-⭐️招牌瑞士雞髀 除左蕃茄湯出色，餐廳既瑞士汁亦係招牌。 用上優質頭抽配上各式天然香料如八角，雞肉入味，味道濃郁香甜。-⭐️雞湯浸什菇娃娃菜 最後來一客清淡的菜式解解膩，雞湯娃娃菜幾清甜。-利賓納爽呀！