見佢有幾間分店 仲有間係荃灣～
地點好就腳 於是就去試下先💗
同朋友揀左呢個餐
❤️極上和牛吃到飽❤️$198 (午餐任飲任食90分鐘)
入到去有靚位坐，好闊落，仲有荃灣街景睇～
湯底有好多款可以揀！睇個名都覺得好台式
最後同朋友揀左麻辣鍋（小辣）
睇得出用左好多香料熬製，又香又麻 ，適合愛辣人士🌶️
叫完湯底 之後就去飲品區啦！ 超級多選擇！！
有好幾個大雪櫃，裡面好多唔同款嘅罐裝飲料
其實雀檸都好吸引我架，不過都係比牛大人自家製無糖茶吸引咗！！
首先包裝好文青又衛生！
一大枝係雪櫃可以自己拎～
白桃烏龍飲落好有茶味，嗒真啲又帶有淡淡白桃味！仲要無糖！ 夠哂健康～食到飽飲都唔會覺得濟！
一大賣點～質素完全唔似任飲嘅～
之後仲另外叫左牛大人手工啤～
有淡淡花味的手工啤亦值得一試
然後火鍋配料亦有多款選擇！
當然作為食肉獸的我，至愛就係：
❤️澳洲和牛M5牛肩卷❤️
好有牛味～牛肉上油花佈滿十分多又平均
入口即融～十分滿意
呢個餐最特別係有三款手工漿都可以任叫！！
蟹籽墨汁漿（中間黑色那款）
雖然賣相不太好，但墨魚加蟹籽口感彈牙爽口！
又有墨魚的鮮甜味～值得再叫！ 但多吃會很快飽。。
相較之下，干貝章魚漿就較普通
另外還有很多台式小食可以任點！
一次滿足想吃很多款台灣野嘅願望～
各款小食都正常發揮～而且上枱都係暖嘅，唔係凍哂！欣賞～
手工餃類也不錯 蛋餃食落很有台灣感覺
不得不提老油條 拖過辣湯後香脆又惹味
仲有好多其他火鍋料都係可以自取架！
不過個人就中意食牛同小食
所以只有朋友去拎菜同丸等等
選擇多、丸嘅款都特別，同出面唔同！
位置都乾淨企理
最後最讚係甜品！都係台式架！
好特別的台中仙草凍～好有仙草味
竟然有我最愛嘅珍珠，配上花生紅豆蓉，口感非常豐富
加上忌廉 又香又滑！
食完好滿足好飽～
最後附送忙著吃 佈滿人造’仙氣’的我的照片
總結 坐得舒服，食物飲品種類好豐富!有水準
美中不足係鴛鴦鍋要加$50，好似有啲貴同埋唔係必須
所以都係下次黎再試其他湯底啦🤣
