一開波就可以揀烤魚或者雞煲，我哋揀咗呢個番茄烤魚，條魚勁大條。
食完烤魚同夥記講佢就會幫我哋轉一個湯底打邊爐，都有幾款湯底揀，我哋揀咗豬骨湯底，不過就叫佢走豬骨豬手，因為唔想嘥嘢，其實食咗嗰條魚大半已經飽飽哋。
火鍋配料就自己出去攞，衛生企理，款式比想像多，特別係我鍾意嘅貝殼類海產都幾新鮮而且款式都幾多，除咗蜆聖子之外仲竟然有花螺。肉嘅質素都唔錯，牛肉豬肉都係任攞。
仲有個熟食區。
飲品除咗罐裝汽水之外仲有一啲手沖飲品，另外最強就係二百幾蚊竟然包埋啤酒，仲有雪糕同埋即叫即做棉花糖，假期每人貴20蚊，我哋星期六晚六點幾去食兩個鐘每人250蚊，真係抵得誇張。
