後來有朋友話佢開咗實體店不過就長期滿座
今次終於book到同朋友去食壽喜燒farewell
🍲頂級「京都牛鍋x壽喜燒極致盛宴」 $598一位
雖然變咗做實體店但佢嘅價錢仍然都仲係好合理$600有前菜 小食 兩三個牛嘅部位仲要有埋甜品😌
281
前菜一共有三款 全部都細細碟
每樣都可以試少少～ 有沙律又有炸物仲有芝士
🐙芥末八爪魚野菜沙律
🇯🇵柚香脆豆腐
🧀芝士炙燒和牛卷
小食就有最近好Hit嘅檸檬牛舌
牛舌好彈牙 同出面唔同嘅係佢調味加咗少少蒜🧄
比出面多一番心思 唔係淨係盲跟風
欣賞佢嘅用心感受得到係廚師有設計過嘅菜式
再加檸檬汁超級清新 🍋
🥩炙燒焦糖肉眼芯牛鍋
佢menu比一般壽喜燒店 多咗炙燒焦糖肉眼芯牛鍋
牛比較厚身油脂感比較重 適合偏愛油脂感嘅人😆
用砂糖煎到兩面焦香 🤤然之後加少少壽喜燒汁
壽喜燒汁唔算太多保留油香味 不過牛油香比肉味濃
適合配埋飯一齊食 食開瘦嘅牛嘅人可能淺嘗就夠
蘭王蛋壽喜燒飯🍚
呢個係今日我覺得最好食嘅一個菜式😎
薄燒嘅西冷或者肉眼 （視乎當日和牛供應）配濃郁嘅壽喜燒汁
蘭王蛋蛋味好濃配鹹甜壽喜燒汁仲有薄切牛肉嘅油香
有肉味油味蛋香味配埋一啖飯 超級滿足
沾滿蛋汁嘅牛肉 特別滑溜 入口即溶
淨係蛋同埋壽喜燒汁 配飯都好好食😭
A5和牛壽喜燒🥰
出品野菜成盒入面有基本嘅冬菇豆腐同埋兩款菜
當然唔少得可以索滿汁嘅蒟蒻麵啦
餐廳好有心思配咗兩款唔同嘅蛋有蘭王蛋同埋無菌蛋
食完幾輪肉 其實都開始飽同埋食唔到咁油膩啦
店員先會加入少量湯汁 再放蔬菜 豆腐 冬菇
啲配菜吸收咗鍋底殘留嘅牛油同肉汁精華
肩胛肉比前面兩款肉瘦但係肉味濃🤤
食到最後就覺得啱啱好配埋好濃味嘅配菜超惹味
食曬主菜之後甜品係經典嘅柚子雪葩 🍧清新解膩
餐廳呢一個Menu嘅鋪排唔會食到你好滯
但係又會覺得好滿足 係一個好令人回味嘅一餐
呢一餐性價比好高 真心推介俾壽喜燒初心人士
8
