呢間餐廳我哋之前喺佐敦其實食過，佐敦嗰間係食點心為主🥟，而呢一間就以小菜為主🧆。上次喺佐敦食都非常滿意😋，所以今次就專登走過黎旺角試吓。
我哋一共叫咗五個餸5️⃣，五個餸嘅味道都非常之唔錯，份量亦都好夠，性價比好高🤑。
🥬首先係秋葵野菌扒豆腐（$78），豆腐係分兩層嘅，一層係綠色嘅菜豆腐，另外一層係白色嘅普通豆腐。豆腐嘅質感好水嫩亦都好滑，而上邊亦鋪滿咗秋葵同野菌🍄，加埋個醬汁，好有驚喜😊，十分之好食！⭐️⭐️⭐️
🐷第二個係冰鎮咕嚕肉（$88），咕嚕肉炸得非常之香口，外脆內軟，個汁酸酸甜甜，送飯一流。
🐖第三個係沙拉骨（$85），呢一個都係招牌菜之一，炸得好香口，亦有好多美味嘅沙律醬襯托，啖啖肉🐽，好味！
🥗第四個係鑊氣小炒王（$88），小炒王有蒜芯、蝦仁🦐、芋頭絲、腰果等等，食落非常之有口感，亦都好有鑊氣！
🐥最後一個係保仔左宗堂雞煲（$88），呢一道菜都好有驚喜，一拎上枱開蓋，陣陣嘅香味由個煲傳出來，加埋啲「治治」聲，未食都已經流晒口水🤤。雞煲個汁係有啲辣，好啱送飯🍚，十分推薦！
總結來講，呢間野性價比高，茶錢都係$5一位，非常推薦大家一試！😋😋😋
