Sashi Japanese Yakiniku Restaurant (Changed Hand)

放工同朋友去食日式燒肉放題，呢度嘅環境都幾寬敞，座位亦都夠闊，放題時間120分鐘，用iPad落單非常方便，菜單上有寫價錢嘅食物要額外收費，其餘都係可以任食。

1

店員首先攞咗個海鮮拼盤出嚟，教我地每樣海鮮要燒幾多分鐘，分別有生蠔、鮑魚、大蝦，仲有一個甲羅燒，全部都好新鮮！

之後就到成餐飯嘅主角，A4和牛！每款肉上面都有一張紙牌，方便我哋去分辨唔同嘅部位，呢樣野非常細心。和牛嘅油脂分布平均，每一塊都充滿肉汁，真係要encore！

另外仲有其他小食，例如炸鮮奶同埋紫薯波波，我地仲有燒粟米同埋菠蘿

飲品就要自己出去飲品櫃度攞，選擇都非常多，而我最鍾意就係飲荔枝紅茶

最後，店員會一人送一個Movenpick雪糕成餐飯非常滿足，價錢亦都相宜，值得一試