雲桂川冰室 (Closed)

今日去屯門探朋友，佢介紹左我去食一間性價比好高既茶餐廳，我地叫左兩個小菜，「西蘭花炒帶子」，估唔到咁有鑊氣，即叫即炒，又香又熱，西蘭花好入味，但又唔會太咸，要黎撈飯岩岩好！帶子都幾多同埋都幾大粒，好味！「黑椒牛仔骨煲」，個煲熱到d黑椒汁會彈起，真係用心制作，好開心牛仔骨唔會太多肥膏，有好多牛肉都食到，味道濃郁，肉質鮮嫩夠稔，黑椒汁惹味，又係好適合撈飯，叫左杯凍奶茶少甜，真係有聽到要「少甜」，都夠香滑，水準唔錯，好滿意既一餐！