深水埗不嬲都係美食集中地，區內餐廳競爭大，粥粉麵飯唔少得，仲搵到性價比高嘅潮州菜館，質素唔錯之餘，仲好經濟實惠。
同朋友兩個人叫咗3樣嘢，一煲蠔仔肉碎粥，滷水鵝片，香煎鹹牙帶魚，份量夠，食過返尋味
蠔仔肉碎粥 （$95/ 1 鍋）
蠔仔肉碎粥份量大，如果唔係好肚餓，都足夠四個人食。入面有魷魚、豬肉碎、蠔仔等配料，好足料，一聽配料就知道好鮮味，食落仲有胡椒粉，完全食唔到有任何蠔仔既腥味，飯同湯嘅份量啱啱好，非常順口，食完一碗又一碗
香煎咸牙帶魚 $55
牙帶魚唔係成日都搵到嘅魚，所以一見到呢一味菜就即刻叫黎試。香煎牙帶魚唔油，好乾身，食落鹹鹹地，送粥一流。
滷水鵝片 $115
去得潮州打冷菜館，當然一定要試吓佢哋補水鵝片。鵝片切得好薄，
滷水汁一啲都唔肥膩，都唔會太鹹，食到有淡淡的草藥味，伴埋墊底嘅滷水豆腐同花生，同樣惹味。
值得一提嘅係，呢間餐廳嘅服務員態度殷勤爽快，以潮州菜館來講，性價比不錯。如果外賣套餐仲有唔同嘅選擇，係抵食之選。下次可以黎試吓佢嘅潮州粉麵，好多選擇，價錢也合理
