Video
Read full review
2020-12-30
1866 views
聖誕假嘅時候係咁食壽司同埋牛扒，所以今日同朋友聚會，大家都想食得清淡啲，我哋喺又一城兜咗幾層，發現王家沙嘅食物最啱食，仲要做緊自選個人午餐優惠，非常划算，所以就決定食呢間啦😋佢嘅自選個人午餐$128一位，包一個點心拼盤、湯羹、一款小菜，最後可以揀食飯定係食陽春面。一坐低，嗰侍應已經放低咗一碟花生（餐前小食），喺呢度真係要提吓大家❗️❗️❗️其實嗰碟花生你係可以唔要㗎！因為如果你就咁食咗嘅話佢就會收$12，大家唔啱食嘅話，真係唔需要勉強，可以直接同個侍應講。因為我發現好多人都唔知呢樣嘢，所以特登同大家講吓。其實出面好多中菜餐廳都可以咁做，大家自己可以留意下！當然，如果個餐前小食你係鍾意食嘅話，咁就可以skip咗呢個步驟。建議大家可以問吓個侍應今日嘅老火湯係咩，先至決定要老火湯定係酸辣湯。因為今日嘅老火湯係蘿蔔湯，而我阿媽今晚又會煲蘿蔔湯嘅關係，所以我就揀咗酸辣湯。🎈正宗酸辣湯呢個酸辣湯真係不得了！用料非常足夠，有肉絲、木耳、蝦仁🍤唔會太咸，酸辣味剛剛好，好開胃，我同朋友都完全清曬底！🎈四川回鍋肉呢個回鍋肉好夠鑊氣，而且肥瘦適中，除咗菜之外，佢仲加埋三色椒一齊炒，味道豐富啲，不過一大碟菜裏面，回
佢嘅自選個人午餐$128一位，包一個點心拼盤、湯羹、一款小菜，最後可以揀食飯定係食陽春面。
一坐低，嗰侍應已經放低咗一碟花生（餐前小食），喺呢度真係要提吓大家❗️❗️❗️
其實嗰碟花生你係可以唔要㗎！因為如果你就咁食咗嘅話佢就會收$12，大家唔啱食嘅話，真係唔需要勉強，可以直接同個侍應講。因為我發現好多人都唔知呢樣嘢，所以特登同大家講吓。
其實出面好多中菜餐廳都可以咁做，大家自己可以留意下！當然，如果個餐前小食你係鍾意食嘅話，咁就可以skip咗呢個步驟。
建議大家可以問吓個侍應今日嘅老火湯係咩，先至決定要老火湯定係酸辣湯。
因為今日嘅老火湯係蘿蔔湯，而我阿媽今晚又會煲蘿蔔湯嘅關係，所以我就揀咗酸辣湯。
🎈正宗酸辣湯
呢個酸辣湯真係不得了！用料非常足夠，有肉絲、木耳、蝦仁🍤唔會太咸，酸辣味剛剛好，好開胃，我同朋友都完全清曬底！
13 views
1 likes
0 comments
🎈四川回鍋肉
呢個回鍋肉好夠鑊氣，而且肥瘦適中，除咗菜之外，佢仲加埋三色椒一齊炒，味道豐富啲，不過一大碟菜裏面，回鍋肉嘅份量就唔係好多，大概有五至六舊，而且啲菜嘅味道偏鹹，食完要飲多幾啖茶先得，不過整體來講，味道都唔錯
17 views
1 likes
0 comments
🎈宮保雞丁
宮保雞丁同頭先嘅回鍋肉一樣，味道都係偏鹹，佢啲雞肉都幾大舊，味道不過不失，而呢碟菜最好食嘅係啲韭菜😂好入味
12 views
1 likes
0 comments
🎈陽春麵
因為平時喺屋企成日都食飯嘅關係，所以出親嚟食嘢我都鍾意揀麵。
佢呢碗麵嘅麵質偏霖，好滑身，湯底清清地，配埋頭先講嘅兩樣餸一齊食就啱啱好啦
16 views
1 likes
0 comments
19 views
1 likes
0 comments
食食下嗰侍應拎個點心拼盤上嚟，我哋先記得仲有點心拼盤未上😅
🎈點心拼盤
點心拼盤包一粒小籠包、一隻鍋貼，同埋兩粒紅油抄手。
唔知係咪因為唔係用返小籠包嗰啲籠，所以小籠包個底一嚟到已經穿咗，不過個味道都係好食嘅！
而鍋貼裏面都有好多肉汁，唔會好乾
反而個紅油抄手有少少失望，上到嚟已經係有啲凍，而且唔夠辣
28 views
1 likes
0 comments
最後，我哋另外叫咗個甜品。
🎈芝麻豆沙煎餅
就咁睇相好似唔係好多豆沙，但係食落去其實豆沙嘅分量剛剛好，佢出面個皮全部都係芝麻，所以好香好脆，呢個甜品有驚喜，鍾意食豆沙同埋香口野嘅人都應該會鍾意
43 views
1 likes
0 comments
總括來講，呢個自選個人午餐真係好抵食😋
Post
