Video
Read full review
2020-12-05
1066 views
放工再次去咗大角咀覓食，呢晚揀咗食「慶記」，餐廳位於新樓盤地下商場。經過一定會見到，因為係地舖之餘，仲有好耀眼嘅燈箱👀。餐廳環境唔錯，面積幾大，整體光光猛猛，幾乾淨。當到咗夜晚7點左右，餐廳就開始多人👏。餐廳現時採用QR Code落單，但枱面亦放有實體餐牌。食物選擇頗多的，而且定價唔貴👍。我哋兩個人嗌咗兩個麵同兩份小食，已經飽晒🤰，因為份量好多。香酥排骨慶麵($52)，🐷香酥排骨另上，豬扒好大件，不過炸皮有少少厚。慶麵本身附有肉燥，感覺都幾得意😎，因為多數係肉燥飯而唔係麵。另外，碗麵亦搭多幾嚿蘿蔔同豆卜。麻醬雞絲冷麵($40)，一上枱嘅時候麵同雞絲都被滿滿嘅青瓜絲遮蓋🥒，頗為震撼。麻醬主要放喺底，所以一定要撈勻食。冷麵麵條比起湯麵麵條更有質感。口水醉雞卷($34/8件)，而家都幾流行雞卷呢樣小食🐔。餐廳提供四件或者八件嘅選項，咁即係一個人嚟食都可以嗌。醉雞卷同口水醬係分開上的，所以可以自行調節辣度🌶。口水醬幾惹味，而且偏麻；雞卷本身嘅酒味就唔算太濃🍶。沙嗲牛肉鍋貼($28/2隻)，嘩食完上面啲嘢已經飽晒，點知最後嚟嘅鍋貼超大隻🥟。鍋貼底煎到脆脆的，而入面就係爆曬汁嘅餡料。雖然話係沙嗲牛
放工再次去咗大角咀覓食，呢晚揀咗食「慶記」，餐廳位於新樓盤地下商場。經過一定會見到，因為係地舖之餘，仲有好耀眼嘅燈箱👀。
餐廳環境唔錯，面積幾大，整體光光猛猛，幾乾淨。當到咗夜晚7點左右，餐廳就開始多人👏。
餐廳現時採用QR Code落單，但枱面亦放有實體餐牌。食物選擇頗多的，而且定價唔貴👍。
我哋兩個人嗌咗兩個麵同兩份小食，已經飽晒🤰，因為份量好多。
香酥排骨慶麵($52)，🐷香酥排骨另上，豬扒好大件，不過炸皮有少少厚。慶麵本身附有肉燥，感覺都幾得意😎，因為多數係肉燥飯而唔係麵。另外，碗麵亦搭多幾嚿蘿蔔同豆卜。
麻醬雞絲冷麵($40)，一上枱嘅時候麵同雞絲都被滿滿嘅青瓜絲遮蓋🥒，頗為震撼。麻醬主要放喺底，所以一定要撈勻食。冷麵麵條比起湯麵麵條更有質感。
口水醉雞卷($34/8件)，而家都幾流行雞卷呢樣小食🐔。餐廳提供四件或者八件嘅選項，咁即係一個人嚟食都可以嗌。醉雞卷同口水醬係分開上的，所以可以自行調節辣度🌶。口水醬幾惹味，而且偏麻；雞卷本身嘅酒味就唔算太濃🍶。
沙嗲牛肉鍋貼($28/2隻)，嘩食完上面啲嘢已經飽晒，點知最後嚟嘅鍋貼超大隻🥟。鍋貼底煎到脆脆的，而入面就係爆曬汁嘅餡料。雖然話係沙嗲牛肉，但感覺亦都有啲似咖喱，點都好佢都係好食😋。
桂花烏龍茶(每位$3服務費)，餐廳會提供熱茶🍵，所以其實唔嗌嘢飲都OK👌。不過我哋都嗌咗豆漿，哈哈。
總括嚟講，餐廳真係幾抵食，全日唔收加一服務費，每人$80就食到豐富晚餐，今時今日茶餐廳都未必做到🙈。難怪有咁多附近街坊幫襯或者買外賣啦！
Post
