火五越式牛肉粉專門店 (其昌樓)

Open Now

Now Closed

今日星期六晚同男朋友係佐敦行街，經過呢間越南野見到滿座之餘仲有人等緊，引起左我地既興趣。我地等左15分鐘左右，門口有位店員做接待，她十分有禮貌，我地等左一陣之後，佢主動比menu 我地幫我地落左單先😇好講返野食，男朋友order 左個火車頭湯河，有牛丸，札肉同生熟牛肉，我食左一粒牛丸，十分彈牙，牛味好夠👍🏼 湯底都好重牛味，濃度適中又唔會太咸☺️而我就order 左個軟殼蟹撈檬，好似話所有撈檬都可以轉湯檬或湯河🧐 一樣好大份，有啲紅蘿蔔同青瓜絲，而隻軟殼蟹簡直係不得了，熱辣辣之餘又多膏，仲要啖啖肉！ 仲要都幾大隻下😋🤤🤤🤤另外仲order 左兩個小食，分別係越式炸蝦春卷同蒜蓉牛油蝦球，一樣係上枱果時熱辣辣，即叫即做，我喜歡個春卷入面得蝦肉，冇其他配料，又係啖啖肉，春卷皮脆卜卜。 另外個蒜蓉牛油蝦球，入面啲蝦都好新鮮，絕對唔係搵啲唔新鮮既蝦去做，重點係，有蝦膏架！！！😋😋☺️ 真係好正👍🏼👍🏼👍🏼最後當然唔少得飲品啦，我叫左杯荔枝梳打，食完一堆熱辣辣既野最好就飲返啖冰凍既汽水，爽呀，不過我地兩個share 唔係好夠飲😂😂😂