町町丼丼 (威靈頓街) (Closed)

町町丼丼呢個名帶點可愛，吸引左我收工去買外賣，宜家冇堂食，唯有周圍搵到啲正既外賣。位於上環同中環中間，都幾方便，重點佢係即叫即做，所以我落完單都等一小陣先拎得，期間見到好多外賣送貨既人，睇黎生意好好。叫左個滑蛋吉列鰻魚丼、韓式牛肉部隊鍋配飯、小食池同埋魷魚天婦羅。小食一定要叫，因為份量起多好抵食。鰻魚丼啲蛋都幾滑，鰻魚份量適中，味道唔會好重，配今次啲小食幾好。韓式牛肉部隊鍋比想像中豐富，又唔會好辣，冇得堂食食到部隊鍋好難得。