孵化生活

Open Now

Now Closed

之前放工，我嘅另一半就帶我嚟呢一間距離我返工地方唔遠嘅隱世餐廳。入到去發覺環境唔錯，幾有特色，衛生同服務態度都幾好，係略嫌整體環境暗咗啲。我同另一半都嗌咗個套餐，個套餐就會包一客前菜同埋一個主菜，我哋分別叫咗北海道溫泉蛋同埋蘑菇湯作為前菜。個蘑菇湯上面有一層好厚嘅泡，我覺得幾有特色，而且味道算唔錯。至於主菜方面，我同另一半就分別叫咗手撕雞薄餅同埋龍脷柳。坦白講，個薄餅完全食唔出手撕雞嘅味道，不過個雞肉味道就好濃郁，甚至我略嫌係太重口味。至於個龍脷柳就相當唔錯，色香味俱全。個套餐亦有一杯嘢飲，我哋兩個都係嗌咗杯凍水果茶，味道就係西柚紅茶，唔甜，而且幾開胃又清涼，我個人非常鍾意。兩個人食咗唔夠$400 ，但係基本上飽到唔想郁，性價比非常好。