順日本料理 (Closed)

天后一間開業將接近三十年既日本餐廳，老闆是日本人，以厚厚既牛舌馳名。厚燒牛舌飯定食五大片牛舌厚得驚人，吾好見到咁厚就以為一定好靭，牛舌經慢煮後超級軟腍，面層微微燒香再加上黑椒，帶出牛舌的香味，定食配麵豉湯同沙律，$108算性價比高。壽喜燒定食壽喜燒以鐵鍋上菜，湯底調味不錯，味道濃郁香甜，牛肉配上鵪鶉蛋、娃娃菜、金菇、冬菇、豆腐、紅蘿白及粉絲，牛肉夠牛肉味，配料超足料，定食跟麵豉湯、中華沙律及白飯。