大瀛喜日本料理 (Closed)

同朋友諗唔到食咩好，日式放題係一個最安全既選擇，今晚約左朋友去旺角大瀛喜食放題，一個價錢任飲任食，新年聚會食左先再減肥啦~🌟刺身刺身類當然必點我最愛既三文魚、赤蝦同帆立貝啦，三文魚厚切又夠肥美，赤蝦大大條好鮮甜，帆立貝新鮮厚肉超高質🌟燒物及串燒串燒方面都好多種類，雞軟骨即叫即燒夠哂香口，另外仲有燒鰻魚都好高水準，厚肉之餘又唔會腥 🌟一品料理估唔到連小龍蝦都係任食，即刻叫返兩隻試下，又幾鮮味喎，另外當然仲有每次必點既芝麻雞翼，香噴噴又夠惹味🌟自助區餐廳既自助區有沙律、生果、前菜、炸物等等，而甜品就有雪糕機同杯裝雪糕或雪條，飲品就有罐裝汽水、茶類、同多款酒精類飲品，呢排天氣凍餐廳更提供熱飲，夠哂貼心