君滬鍋貼大王 (Closed)

夜媽媽，又唔想食太多野，最啱就係去小食店，鍋貼大王可以話係做到街知巷聞既不二選擇。

今晚嚟到大圍，咁啱又撞見呢個熟識既招牌，當然要去朝聖一下，一步入去，無乜招呼，反而更有老牌老香港的地道風味。店內大部分食客都是街坊，小木椅配圓檯，真係好有老友鬼鬼既親切感！

不過估唔到既係嚟到十點鐘，依然滿座，鍋貼大王相信係半自座式既，嘻嘻，因為有人落單，無人會帶位，我地一行六人，自已左砌右砌，終於砌埋一張檯。

鍋貼大王最開心既係，佢選擇真係好多，而且好多係散嗌，可以試下呢樣食下個樣。
鍋貼只係三蚊一隻，生煎包都係可以一隻隻咁叫，最適合花心既我啦！

我地叫左碗仔翅，北菇蒸雞飯，鍋貼，牛肉生煎包，魚肉燒賣，水餃麵，豆漿，真係不能盡錄。。。。
所有麵飯都可以跟餐，我就寫下我自己有食到既幾樣啦！

碗仔翅好足料，而且味夠濃，不過食完都唔會有口乾感乾，唔重味精啦～
菜肉水餃麵，水餃皮唔算太厚，菜肉食得出鮮肉既鮮味，而且夠大隻，GOOD !!
麵身係較粗既，但亦彈牙。
豆漿好有豆味，估計係自家製，不過可惜想試既咸豆漿就賣晒，嗚～
魚肉燒賣比街邊差少少，唔太夠熱，同埋無乜味，估味係貨源問題。
北菇蒸雞飯，飯有少少梅，估計係一路蒸住好耐，但亦因為咁雞味入晒飯到，質差味好！
牛肉生煎包，包有少少厚，飽肚，牛肉肉味鮮濃，肉汁非常，係多到滴出嚟架，好正呀！
招牌菜鍋貼更加唔使多講，大大隻，豬肉簡直可以用小鮮肉嚟形容！又香又多汁，一咬落去，Ｄ肉汁就流入口腔，肉香係口入面浪下浪下，真係未食完第一隻就想食第二隻呀！

結果。。。我地食左好多樣野，因為每樣野都好平，雖然唔係好精緻既食，但以性價比來說，這絕對是抵食之選！