響日本燒肉 (Closed)

好耐之前去過呢間餐廳嘅佐敦分店，知道執咗之後好失望，因為真係抵食又高質，後來知道原來銅鑼灣開咗新分店，仲要方便過以前舊鋪，咁就梗係約埋班friend嚟幫襯啦。呢間分店坐落係高級嘅商業大廈，而且餐廳嘅裝修都好乾淨舒服，啱晒一大班朋友坐低慢慢食住傾偈。呢個刺身拼盤嘅質素非常高，除咗新鮮之外，亦都切得好厚，仲有比較特別嘅每日新鮮刺身，有別於一般嘅放題。而且佢嘅帶子大大粒都係任食，同埋份量比得好足夠，絕對唔會叫10舊比得兩舊。而且佢嘅燒肉質素亦都係好高，食落好有牛味，而且仲有好多唔同嘅部位揀。我覺得呢間餐廳仲有一個值得一讚嘅地方，就係佢嘅抽氣系統做得好好，食完絕對唔會有一大陣油煙味。呢度更可以有紅白酒同清酒任飲，真係嚟飲酒都抵啦。除咗燒肉之外，我仲有一個比較特別嘅推介，就係呢個海鮮豆腐湯。唔好睇佢表面好似好普通咁，但係佢飲落竟然係煲咗好耐嘅魚湯味，真係估唔到啊。呢間餐廳又高質又方便，下次朋友聚會都一定會再嚟啊。