越南牛肉粉專門店 (Under Renovation)

我今日又係喺荔枝角做嘢，見呢間越南野下午茶時間都有人排隊，所以入去試一試睇吓好冇食。可能係下午茶餐嘅關係，價錢比平時都平啲。河粉上到枱睇落個份量都唔細，唔會話因為下午茶而比得好少。湯底嘅味道中規中矩，唔會好似坊間平價越南河嘅湯底咁淡而無味，飲落到幾清甜。雞扒相當入味，份量都唔少，成年男人食一碗都會飽。個底仲有大量嘅生菜同埋青瓜絲，食落好清新健康。呢個炸春卷就稍為遜色少少，上到枱見到碟仔已經好多油，咬落去一啲都唔脆，表皮好林身。