首先一黎就係蒜蓉包條+咖哩軟殼蟹👇🏻
1.蒜蓉包超超超好食💓 點埋咖哩汁perfect. 唔點都得，本身已經好香蒜蓉味+脆邊！
2. 軟殼蟹$138 有兩隻蟹 ！抵！ 個咖啡汁唔辣既，+甜甜地。個汁太多，食晒啲蟹都仲有成碗，撈埋飯都仲有🤣
3. 燒蠔，$18/1隻；夠大隻，略嫌個辣汁太辣，就咁落lime汁就算。 一人可叫兩隻！
5. 燒聖子 都係$18@， 幾大條下，唔錯💓
6. 青咖哩雞+叫左一碗白飯
個白飯好鬼大碗，裝到多左一碗咁。青咖哩—辣！ 中意食辣既就岩！ 椰仔味濃，撈多兩碗飯都得 👍🏻👍🏻
7. 因為太辣叫左杯芒果冰，好好飲！ 解倒辣！ 夠凍！ 正！
8.之後黎多個馬拉箋炒雜菜。
超級辣！ 全場最辣係呢樣！ 略嫌賣相一般！
影相唔靚！
9. 菠蘿蟹肉炒飯
好大份呀救命🤣 碟碟都咁大份，最後呢個食左一半打左包！ 聽日返工做lunch! 幾好食！ 有住家feel!
10. 最最最後…. 燒豬頸肉！
全場最好食，無誇張！有咩可能$88 咁大份？
個汁好傳統泰式汁！ 汁都打包埋！😂
必叫豬頸肉。100分！
椰汁糕係送既！ 好有味好甜，like!!
-
總結： 又大份又唔貴！ 又好食！上碟速度快！可能今次兩人食叫多左（低估左份量）
唯一缺點可能係賣相（碗碟唔夠泰式）
值得一試！👍🏻👍🏻
