巴巴串 (Closed)

經朋友仔介紹，知道觀塘有一間好好食的串燒放題餐廳，今日就同老公仔拍拖去食。入到去地方都算大，老闆安排左我地坐嘅座位都幾闊落，我地叫左C餐：美國SRE和牛同西班牙伊比利亞 黑毛豬放題。一坐低就即刻上一碟美國SRE和牛，扇貝，安格斯牛板腱、安格斯牛仔骨、安格斯牛粒、安格斯封門柳、及雞泡魚乾。和牛肉質不錯,好juice，配搭醬汁一齊燒，正! 雞泡魚乾好香好煙韌。呢度串燒食物款式都好多，有個自助吧，有台灣腸、泡菜豬腩肉，雞翼，牛肋條、牛柳粒、牛脷、雞柳、豬頸肉、丸類、帆立貝、蝦、墨魚咀、麻糬燒、煙鴨胸、仲有我最鍾意食嘅燒菠蘿同燒棉花糖。其實還有熟食任點，蒜蓉焗蠔，椒鹽海蝦，香草牛仔骨，羊肉串，炸餃子，炸單骨雞翼、椒鹽燒賣、葡撻同牛油粟米。而甜點都有雪糕雪條同蛋糕，好滿足。任食款式多，性價比高，極力推介。