蒲東小館 (彌敦道) (Closed)

屋企人鐘意食中菜，但又唔想去太遠既地方食，所以就近近地簡左呢間餐廳試下~結果屋企人都好滿意~好香既茶，應該係蕎麥茶，飲左好多，印象中茶位好平~乾煸四季豆，鑊氣十足，一上枱就聞到果陣香味，小小辣，非常惹味~夾埋d肉碎一齊撈飯食更加好味~手抓餅，好貼心咁撕開做一塊塊，唔洗自己落手，脆扑扑好有油香~蟹粉豆腐煲，呢個有小小失望，因為蟹粉味道唔夠突出，薑味反而比較濃，不過份量都幾多既，鍾意食豆腐既都可以叫~啲嘢食同茶位都唔算太貴，性價比唔錯。