緣聚 (Closed)

上星期和家人去元朗食放題，餐廳環境不錯，有西式的座位，也有日式塌塌米，好特別。任點任食，食物種類超多。甲羅燒，外貌很好看，蟹膏醬好香濃，有濃郁的蟹膏味道，加上魚片乾一齊食，口感特別好。新鮮生蠔，好大隻，隻隻肉質飽滿，夠鮮味，任食任點，好快回本，哈！刺身種類好多，三文魚、吞拿魚腩、油甘魚、帶子、赤貝、赤蝦......數不盡，赤蝦幾大隻，好鮮甜，不腥。三文魚夠肥美，油香滿滿。吞拿魚腩都無限供應，甘香軟滑，好味。燒羊扒，燒得好香，熟度剛好，肉質夠嫩，沒有羊羶味，不太喜歡吃羊的人都可接受。蒸毛蟹，都不細隻，味道偏清淡，但都算幾多肉，味道不錯。鱈魚燒，表面燒得微微焦，入口超滑，緊緻美味，油香滿滿。芝麻雞翼，外皮酥脆，肉質嫩滑，有肉汁。炸生蠔，好香脆，有蠔的香味。燒帶子都不錯，燒得幾香，肉質鮮甜，配合醬汁燒，幾惹味。甜品都有好多選擇，木糠布甸一層一層，幾吸引，細細杯，不會太飽，不太甜，忌廉好軟滑。芝士撻也不錯，芝士香味濃郁，外皮富有牛油香味。