大頭蝦南風海鮮酒家

Open Now

Now Closed

今晚同朋友四個人行完街，朋友話想去食下小菜飲下啤酒，咁就去試下東涌既大頭蝦南風海鮮酒家，去到門口見到佢有戶外位置可以坐，但係戶外比較多人，所以我地揀左戶內比較清靜傾計方便d。首先我地叫左個燒鵝拼叉燒拼盤，質素都不錯，好好彩有燒鵝脾可以食，惹味！叉燒都唔馬虎，入口軟嫩，送下啤酒一流！跟住叫左個冬蔭公辣蜆，味道都ok, 不過可以再辣少少就更加好味。之後再叫多左味蜜汁牛柳粒，牛柳鮮嫩多汁，肥瘦適中，呢味菜是好食的。最後叫多左個鯪魚油麥菜同埋胡椒豬肚湯，呢一餐就作結了，總括質素都不錯，性價比絕對可以一試！