苡喬餐廳

Open Now

Now Closed

去開荔枝角，見到馬路邊有呢間小小的餐廳，望落好似唔錯同朋友每人嗌咗一個午餐，先有「燒豬脾拼帶子飯」（無記錯係$55），豬脾切好薄片上，個汁都幾好，一般茶記風味，炸帶子係即食果種，都係預備中既味道，綜合嚟講唔錯另一個係「日式焗咖喱雞皇飯」（好似都係$55），焗飯份量好大，一定夠飽，芝士味都好香濃，雞皇係雞扒切塊，唔韌，撈汁都好好食，不過啲汁就稍為多咗啲隨餐跟兩個湯，一白一紅，唔太特別，略為淺咗少少。最後兩杯餐飲（$3），奶茶值得一讚，風味都幾平衡，唔會太甜～整體嚟講，今時今日五十零蚊，呢個質素已好滿意喇！