吉列牛忌廉烏冬專門店 (百樂中心) (Closed)

已經有段時間冇食吉列牛，所以心思思想食，同朋友一齊去呢間銅鑼灣性價比頗高嘅餐廳食！🔺吉列牛定食中間仲係好靚嘅一成熟，外邊炸過仲係幾脆口，啲牛冇乜筋，唔會嚡口。同埋佢個display幾靚，又有湯同埋飯，喺飯上面同埋飯素。有兩款醬一款係醬油、另一款係比較日式嘅沙律醬。🔺咖哩忌廉烏冬 忌廉令到烏冬入口特別順滑，但係牛奶香味就唔重。我諗忌廉應該係增加順滑嘅口感啫。咖哩係典型嘅日式咖哩，夠濃味，都唔錯！🔺煎餃子外邊仲係好脆口，咬落去卡卡聲，但餡料係普通嘅冇乜特別。🔺Passion Punch ($38) 估唔到呢杯嘢幾有驚喜！首先唔係純糖水好難飲嗰種，而係真係有熱情果嘅水果香，甜得黎又唔會太甜，唔錯。🔺Citrus Ocean ($38)呢杯係朋友叫嘅，雖然藍色係冇咩特別嘅味道，不過可能勝在有啲人想打卡。