La Barra Tapas Spanish Restaurant

食評詳見圖片說明。

我哋去嗰陣大概係13:40，入面冇乜人，可以直接入去坐低。

店舖唔算好大，但裝修得幾靚，服務態度亦都都好好，唯一缺點係食物性價比太低，唔抵食。先係個沙律咁細份，仲要只係得薯仔、三色豆加啲吞拿魚，但賣一百幾蚊。而且都冇諗過20蚊嘅可樂餅咁細份。再係聲稱1-2人份、368蚊嘅蝦飯連一人份都唔夠。

我哋三個人人均243.6，呢個價位喺長沙灣可以食到更好嘅嘢，Openrice呢個評分真係睇下就算，唔好抱有任何期望，因為啲嘢食真係細過正常size。

有薯仔、三色豆、吞拿魚，味道尚可。

3

20蚊一舊，與其話可樂餅餅嗎，不如話係可樂粒。都ok好食，但真係有啲細粒。

好食，本日MVP。蝦味好出，加上有飯焦，食嗰陣口感冇咁單調。可惜嘅係儘管佢話1-2人份，食落好明顯覺得1人份都唔夠。

$368

正常西餐廳有嘅水準，唔算真係好好食，只能話冇咩特別。調味嗰陣應該冇將啲鹽落好，以致味道唔平均，食到某啲位會特別鹹。