炒蛋麵包先到，一睇賣相已經心知不妙，完全係地痞茶餐廳級數嘅出品！有圖有真相，係一塊又老又硬嘅蛋餅，麵包只有微溫，咁就跌咗八蚊落鹹水海
，其實而家市面上所謂嘅冰室，炒滑蛋水平普遍都唔差，呢間都可以算係墊底嘅級別......跟住沙嗲牛肉潛艇出場，賣相唔錯，沙嗲汁只係食到鹹味沙嗲香欠奉，牛肉無筋算OK，芝士醬芝士味香濃而且唔會好滯，但係兩者結合一齊我又食唔出有好嘅化學作用，就係沙牛有沙牛味芝士有芝士味咁囉，但係有一個敗筆係佢加咗啲生菜絲係中間，但係沙嗲牛肉嘅熱力將啲生菜整到又淋又軟仲出水，嚴重影響口感
沙律就正正常常啦，唔算特別新鮮但係亦都冇變黑嘅
咁都有啲嘢讚下嘅，潛艇個麵包有好多芝麻，咬落好香口，而且啲嘢飲都幾大杯，飲極都仲有，算係挽回返些少分數唔使比喊面啦⋯⋯但係咁樣都食咗$60性價比真係唔高
