Video
Read full review
2014-12-18
2344 views
半個月前約左一齊食雞煲，咁啱今日轉涼，一行四人放工滿心歡喜上黎試，點知中晒大伏訂左七點半，事前完全冇員工打黎confirm，好彩黎到都有位，上左一樓靠窗四人枱。點左椰子清湯雞煲，由於製作時間要15-20分鐘，係呢段空檔我地先去攞野飲同小食。飲品種類算多，除左罐裝汽水、獅威啤酒，仲有韓國lotte系列，例如鮮奶溝忌廉。小食有幾款，咖哩魚蛋、涼拌青瓜、蒜泥白肉等等，味道尚可。食到呢度，我地暫時係滿意既。等左四五個字，個雞煲終於上喇。四個人有隻半雞，好似好多咁，其實睇圖就知好多頭頭尾尾都冇乜肉食既。好多雞油浮面，一路食要一路片走d油湯底鮮甜，但食出有好重既雞粉味，雞係冰鮮味，唔滑。雞煲食得七七八八，我地就遞紙要火鍋料。已經剔得好克制，只係要一份羊肉、幾種丸同幾種菜，但等到雞煲食晒，成25分鐘都未黎！！！同另一個阿姐催單，佢叫我地「再入過」，即係漏晒單啦！入第二次單冇耐，野食終於黎。不過碟肉完全冇出現過。所有丸雪到硬掘掘，海帶甚至連冰上添。但完全冇洗乾淨，好多沙見兩個鐘時限就到，我地拿拿聲入第三次單，點左牛豬羊肉片各一份，一份菜同一份午餐肉。又係三催四請先上菜，而且午餐肉份量如下：我地見到都晒
訂左七點半，事前完全冇員工打黎confirm，好彩黎到都有位，上左一樓靠窗四人枱。
點左椰子清湯雞煲，由於製作時間要15-20分鐘，係呢段空檔我地先去攞野飲同小食。
飲品種類算多，除左罐裝汽水、獅威啤酒，仲有韓國lotte系列，例如鮮奶溝忌廉。
小食有幾款，咖哩魚蛋、涼拌青瓜、蒜泥白肉等等，味道尚可。
食到呢度，我地暫時係滿意既。
等左四五個字，個雞煲終於上喇。四個人有隻半雞，好似好多咁，其實睇圖就知好多頭頭尾尾都冇乜肉食既。
好多雞油浮面，一路食要一路片走d油
湯底鮮甜，但食出有好重既雞粉味，雞係冰鮮味，唔滑。
椰子清湯雞煲
92 views
0 likes
0 comments
已經剔得好克制，只係要一份羊肉、幾種丸同幾種菜，
但等到雞煲食晒，成25分鐘都未黎！！！
同另一個阿姐催單，佢叫我地「再入過」，即係漏晒單啦！
入第二次單冇耐，野食終於黎。不過碟肉完全冇出現過。
所有丸雪到硬掘掘，海帶甚至連冰上添。但完全冇洗乾淨，好多沙
加湯打邊爐
84 views
0 likes
0 comments
點左牛豬羊肉片各一份，一份菜同一份午餐肉。
又係三催四請先上菜，而且午餐肉份量如下：
呢d叫四人份量既午餐肉！！
79 views
0 likes
0 comments
係咪有心玩野？點食得晒呀？
最後我地一人只係食左一片，塊肉冇乜午餐肉味，好淡好多粉。
坐左兩個鐘，不斷聽到附近食客催單，呢間野漏單情況非常嚴重。
即係咁，怕蝕本就唔好做任飲任食啦，又要做任食又枱枱漏單，好小家！
做生意唔老實，食物又只係普普通通唔係特別好食，冇下次呀！！
Other Info. :
我地坐低冇耐，有個捧餐阿姐就咁打乞痴，分分鐘噴晒落d食物度！
明白佢兩隻手都捧住食物，冇人掩口，咁店家點解唔可以提供口罩俾員工？
另外個經理成日gup住每枱食客既「進度」，食得好唔自在！
(The above review is the personal opinion of a user which does not represent OpenRice's point of view.)
Post
