店面充滿年青氣息，仲有mirror同dee gor 。
餐廳好有創意咁用粟米芝士味手搖，食住大叔熱潮，都幾funny ，不過我同女朋友就麻麻地粟米口味所以冇嗌，有興趣朋友可以試試佢。
餐廳有4個常駐系列，有純茶、鮮奶、芝士同水果系列，款式都幾多下，另加限定款，而且全部都係大杯統一size ，都幾佛心。
芝士炭焙烏龍茶+蘆薈 （$28+$5）
茶味比想像中出味，唔會有淡口嘅情況出現，而佢嘅奶蓋亦都好大方，唔會得少少薄薄一層，同埋夠creamy，好濃郁嘅芝士味，好正。由於蘆薈粒本身有少少甜，所以我嗌左微糖，出嚟個味啱啱好，鐘意清甜嘅朋友可以參考下。
濃厚芝士層，上面仲有少少抹茶粉做調味。
紅柚四季春（$27）
四季春出面一般都要貴啲，呢度就同其他差唔多價錢，而佢嘅茶味都出，冇偷工減料。作為水果嘅紅柚本身酸酸甜甜，溝埋落茶到好消暑，飲得好爽快。
總結：嘢飲性價比高，同埋係本地年輕人小店，值得支持。
