SAMJIN AMOOK Express (Closed)

抗逆時艱，留港消費！好掛住韓國同埋佢嘅美食，特別係街頭風味小食！今日嚟到 K11 Musea有 ， 終於可以一解我對韓國相思之苦！三進魚糕 喺韓國好出名。原材料來自韓國，係真正嘅韓國魚糕。一食就忍唔到口，點咗原味魚丸卷、芝士棒魚餅、大蟹肉卷，當然仲有 招牌菜式 魚糕湯同魚糕串啦！芝士棒魚餅 外皮香脆 魚糕包裹著厚厚芝士，芝香味濃，咬落去有拉絲效果！大蟹肉卷 好香蟹肉味，爽口彈牙 ，大大件啖啖肉，好有飽足感!魚糕湯和魚糕串 念念不忘魚糕湯，佢係韓國驅寒名物，呢幾日天氣轉冷，飲咗佢 成個人暖笠笠！餐廳都幾注意衛生和關心社會，而家買滿50蚊就送一個搓手液，值得一讚！