潮福蒸氣石鍋 (Closed)

長長的聖誕假，不想排隊跟人迫，當然要食中菜! 食中之餘又想食海鮮，今晚就決定番食潮福!既然是番食，熟客當然知規矩，半任食玩法，當然海鮮唔會任食，但其他如手打丸、蒸雞等就任叫的。坐低揀好粥底、燉湯同海鮮後，就有專人來幫我地準備粥底，一行三人選了瑤柱鮮淮山粥底，當然等最後吸收完海鮮同其他食材嘅精華之後才食。每蒸一樣食材都有熱情的姐姐幫我們較好蒸煮時間，以保證海鮮夠熟又不會蒸得過龍而變老。先來燉湯，選了姬松茸燉螺肉湯。雖然食不到螺肉，但一揭開盅蓋，便傳來陣陣菇香。溫度夠熱，湯味香濃，油脂算少，質素絕不輸私房菜水準。每人有半隻生猛蒸龍蝦，肉質鮮甜又結實，證明絕對新鮮生猛，同樣價錢去高級酒店食自助餐，提供的只是凍冰冰又無鮮美的龍蝦完全不同層次。再來有一大盆硯丫，粒粒好大隻肥美，沒有半點沙粒，還有海水嘅天然咸味。再來有北韓象拔蚌、鮑魚及蘇格蘭蟶子皇，好大隻又鮮美、蒜蓉象拔蚌惹味又爽口，入口啖啖肉，不同任何醬汁下均能食出海鮮本身的鮮味。每位都有半隻燒乳鴿，細細隻BB 鴿肉質嫩滑，外皮燒得香脆！其他任食的食物有菜、馬拉糕、丸類等等，當中值得推介的絕對是又鬆又彈的馬拉糕，口感細膩之餘不會太甜。值得一提是