大中華甜品 (Closed)

與友人打完邊爐，見時間尚早，友人話要介紹我地食甜品。行到大中華門口，好似唔多覺係食甜品地方🤔坐低揀野食，老闆好熱情招呼，仲好風趣😂三個榴槤控緊係食榴槤啦！佢介紹食新上市既D24榴槤雪山加紫米豆豆底，另外我地再叫咗D24榴槤千層蛋糕同埋D24榴槤班戟。首先黎咗D24榴槤雪山加紫米豆豆底，熱辣辣食雪山好正，外貌吸引，佢真似好似雪山咁樣👍🏻而且有好香既奶味，側邊既榴槤都好好味之後黎咗個D24榴槤班戟，呢個的確榴槤係同普通既香好多然後黎咗個D24榴槤千層蛋糕，老闆放低既時候講咗句：榴槤撞朱古力係好正！我食第一啖，嘩！真係好好味呀！真係好好好好好好味！原來榴槤同朱古力係好夾！三個甜品入面，榴槤千層蛋糕雖然係遲黎但最快清晒，因為真係好好味👍🏻外貌吸引，又好食！我地揀既係呢間舖比較貴既甜品，但比起出面出名既都唔算貴！其餘既見價錢好實惠👍🏻 有時又真係唔係要過百或者星級酒店先好食