Hachi Sawa (Sharp Street East)

星期四收早，過海接個fd食個early dinner，去到早左，周圍行下睇下有咩食，利舞臺對面既金記冰室門面好懷舊，但係我比隔離呢間日式fusion 菜吸引左，因為門口有黑松露海鮮忌廉烏冬既相！不得了~全是我中意既食材，所以就入左去啦。

入到去，完全不用考慮就點左黑松露海鮮忌廉烏冬。個朋友就點左柚子冷烏冬。

烏冬黎到已經聞到好香，好足料，有兩隻大帶子，三塊三文魚塊，一pat黑松露醬，烏冬似係稻庭烏冬，較幼身同彈牙，個湯好濃厚，烏冬掛住湯汁，超正！料方面呢，唔知係咪個湯已成經好濃味，三文魚既鮮味都唔係好出，帶子就好少少。

黑松露忌廉海鮮鳥冬

$98

個朋友點既柚子烏冬，我就無試味，佢話味道好清新開胃，但因為佢中意食濃味野，所以佢係咁“畢”我果碗XD

柚子汁冷鳥冬

$78

店員好好，免費送左熱菊花蜜比我地飲，正好去一去忌廉烏冬的厚重感。

菊花蜜

我會再來，因為我實在抗拒唔到“黑松露海鮮忌廉烏冬”呢個組合🤣