1)冬蔭公湯金邊粉（$54）:
金邊粉比較硬身，唔會一夾就斷開，蝦有大約4-5隻，而且爽口好味；湯底我有啲驚喜
味道會比較香辣👉中意濃味既朋友就岩哂 而且份量都算多~~尼個抵食!2)泰式海南雞飯+湯($59)
雞係凍凍地，雞油結成jelly狀(有點扣分)，食起上黎有啲膠加上雞味無嘜，小妹自覺唔會再亂叫雞...飯啦
湯就咸左啲，不過配飯食岩岩好，中和左咸既程度。3）青木瓜絲沙律($43)
木瓜同配料都夠哂套爽口，而且辣味好夠，飯前菜好岩啊!!4)泰式炸蝦餅($48)
蝦餅肉質較結實，脆口但無嘜味，食落都幾用力咬。不過都汁就酸酸地幾開胃 。5）串燒(雞肉)
雞肉唔似平時食開既，燒完係似牛肉乾質感既肉乾，食落偏乾唔易吞，不過個醬唔錯。
小妹有覆單既習慣，但都落錯兩樣，不過出單好快，一落完唔洗5分鐘就有單到枱，咁小妹先睇到落錯。仲有仲有，如果要慢慢傾下食下，小妹就覺得尼間唔多適合啦，事關小妹同朋友兩個人由坐低到走都唔唔夠一個鐘，就有職員同出面啲客仔講我地尼枱食左好耐，有排架唔使等尼個位....我地聽到直啦啦聲食多兩啖就走啦。
只收現金的~
