Korea House

早上去旺角上堂，順便中午去朗豪坊睇TsumTsum聖誕裝飾就順便喺同層嘅Food court食埋Lunch。

我地12:45到，仲有1/3吉位。 有一段時間冇去朗豪坊，原來已經裝修過，有一兩間店都未開返。 裝修後坐得舒服啲，位同位之間尚算寬敞，邊位仲有得用USE差電
不過food court餐廳都係果幾間，冇新餐廳進駐有中日韓泰港式菜，最後比韓國菜嘅Sample吸引咗

食物模型非常引人注目每款都好豐富咁，而且價錢唔貴，都係$40-60，部份套餐仲包埋飲品。等咗幾分鐘就拎得嘢食，好啱趕時間要快食嘅我地~

1

韓式雞肉便當

$48

好彩雞肉便當賣相同模型有9成相似每一格都放到滿溢，尤其係泡菜同粉絲。雞肉帶甜醬油味，尚算滑溜，有一兩件可能煮得耐咗比較乾身，都幾惹味可以送飯食。
粉絲份量滿瀉，略嫌冇加靈魂調味：麻油同芝麻，味道唔夠惹味同香口
配菜西蘭花係普通水煮，冇乜調味，但可以中和下雞同粉絲嘅油膩。韓國菜必配：泡菜，味道酸甜爽口，都幾開胃。
整體食物質素普通，$48喺旺角快食韓國餐，性價比還好。