唐記包點 (佐敦大廈)

Open Now

Now Closed

佐敦唐記就位於巴士站後面， 放工等巴士返屋企路途遙遠，當然要去唐記買個包頂頂肚， 諗諗下橫掂都係食不如買埋晚餐返屋企， 如是者就買咗三個飯同埋點心， 順便買埋嗰兩個包比個女聽朝做埋早餐， 快靚正。-豉椒排骨飯 17豉椒排骨係是日特價的蒸飯，只係17蚊， 材料同平日 一樣多，冇因為做特價而減少兩舊 排骨。 原來佢每日都做緊一日一特價， 17蚊堅係抵食。-雞蛋牛肉飯22雞蛋牛肉飯即係平時酒樓的山竹牛肉配煎蛋， 最欣賞係豉油可以分開上，返到屋企先再淋上去。 椰菜又比得十分多， 即使唔係特價都十分抵食。-叉燒包5. 5熱辣辣，叉燒唔會太多肥豬肉，調味適中。-香菇雞包5. 5香菇雞包有營養師推介過，有肉又有菇， 營養均衡。-豬軟骨飯29-飯同埋餸分開上， 咁啲醬汁就唔會畀啲白飯索曬， 呢點絕抵讚。 豬軟骨條條軟骨都炆到淋一淋， 即使小朋友牙仔細細都絕對咬得到，爽口好味。燒賣15豬肉燒賣4粒 都大大粒， 而且真材實料入面有蝦有豬肉， 抵食。-雞扎15平時小朋友要返學冇得同佢飲茶， 整件雞扎佢過下癮，雞扎 材料多，雞肉、冬菇、魚肚、芋頭腐竹 ，飽肚又滿足。