Kaya最新既分店🤤好新淨！由於我係非繁忙時間去，唔洗等位，侍應一嗌就到，野食都係等一陣就齊晒😂
野飲最先到，熱情果芒果沙冰&香茅青檸荔枝梳打，沙冰芒果味超重🥰同埋真係沙冰，唔會飲到一粒粒冰咁。梳打個杯微酸，食野前飲好開胃！
之後就到海南雞飯，雞好嫩，份量又多，湯仲要唔係味精湯，大讚！
另外星洲香辣炒飯，淨係食小辣既我都可以食到，食之前撈埋啲肉鬆，錦上添花！🥰（份量真係好多，最後食唔晒要打包）
1
最後馬拉盞通菜&烤蔥餅配咖喱，通菜香口得黎都唔會辣到食唔到，而且會不知不覺咁食晒😂而烤蔥餅唔會好油，但又做到個面脆脆地既效果🤤加埋咖喱真係食唔停，我一個人食晒成份🤫下次去都會嗌多次！
