牛大人台灣火鍋吃到飽 (大鴻輝(荃灣)中心)

Open Now

Now Closed

趁囡囡上完堂，黎個快閃牛大人先，未去過荃灣牛大人，估唔到座位更加闊落，我地食最早5pm，好彩walk in都仲有位。最方便係牛大人用QR code落單，揀咗湯底之後就可以電話即刻揀配料，上湯底速度都算好快。因為我哋食嘅係最貴嘅澳洲極上和牛套餐，所以大部份食物都可以任叫，除咗有和手，仲有好多特色台灣食物，每位仲會送2粒澳洲M9和牛牛丸。澳洲M9和牛牛丸好食，冇筋充滿牛味，咬開入面仲有少少牛汁。牛肉比較中意安格斯特選牛板腱同，美國SRF極黑牛板腱。牛肉肉質軟嫩，亦因有少許牛筋口感更豐富點單表有好罕見既牛胸爽，係牛胸前脂肪，見咁得意叫黎試下，上枱時見薄薄一片，估唔到又幾好食。好爽口，食完忍唔住要encore多幾次。海鮮同手工滑都係必點。大大隻蝦新鮮，蝦肉爽口彈牙。手打滑有好多款，試晒我比較中意章魚珍珠漿同蟹籽墨汁漿。外面自助區仲有好多款唔同蔬菜，同食物，仲有獨立包裝嘅粉麵。