Cossi (Closed)

返咗工後幾耐冇試過一家人出街食晚餐👪。今日想去一間好少少嘅西餐廳度食飯，就近近哋去咗荃灣。門面裝修簡約用咗黑色呢做門框，招牌就用白色，做咗一個反射嘅效果，令人好容易見得到。餐廳唔係好大，當日去到大約夜晚七點半，都有幾枱客人，挺熱鬧。店舖嘅面積營造到餐廳一個好溫馨嘅氣氛。👪三個人叫咗三份晚餐，而我就揀咗📍烤美國水牛城bbq汁豬肋排 $138晚餐先送上餐湯同沙律；額外加咗20蚊要黑松露蘑菇湯。蘑菇味好濃，仲帶出淡淡黑松露味，都係比較杰身少少，忌廉味唔重，相信應該放好多磨菇去煮，令到佢有蘑菇嘅清甜，同埋有菇粒口感。📍沙律喺西式沙律菜配上秘製醬汁，簡約清新。🥗📍豬肋排🐷大小有如1.5隻手掌大，但係就會比較闊同埋肉厚，如果就咁睇可能會覺得唔係好夠飽，但係因為豬肋排屬於肉類，食落嘅時候其實好容易就會有爆感。欣賞佢個水牛bbq汁，微酸中有種 照燒嘅香味，肉質嫩，軟淋入味，唔會有豬嘅騷味。最後嘅餐飲為晚餐放下完美嘅序幕。☺️快樂嘅生活並唔需要太奢侈，平民西餐廳都會搵到佢值得欣賞嘅地方，溫馨親切感、侍應對每一枱食客嘅關照、當然仲有餐廳環境令到客人各方面都能夠投入呢場溫馨嘅飯局💕