快樂小羊火鍋料理 (銅鑼灣廣場一期)

Open Now

Now Closed

今晚同個朋友聚下舊，當然搵間可以慢慢食又坐得舒服嘅餐廳，呢間快樂小羊火鍋料理絕對係好選擇。入到去，地方大，店員又好招呼，冷氣又夠足，好舒服，兩人坐嘅枱都好大，吾會迫迫下。用qr code落單，食物種類都多，有牛羊豬雞每樣都有幾款揀，又有海鮮丸等，菜是任食的，有吾同菜仲有薯仔金菇等，都好正啊，最重要免費嘛，哈哈。湯底揀了光陰鍋，雖然寫住係清湯，但入面都勁多料了，奶白色湯底，清甜，點了很多野食，西冷牛肉，脆脆牛舌，沙葱羊肉，軟骨羊肉，黑豚肉，每碟肉三十幾蚊細碟都勁大碟，好抵食，而且新鮮冇雪味，質素好高，性價比高呀。另外仲點了海鮮基圍蝦，鮮甜美味，肉質彈牙，好味道，仲有芝心丸，芝士軟豆腐等，都好正啊，咁正嘅湯底梗係要嗌埋份響鈴，食到勁飽。飲品點了鮮榨哈蜜瓜汁，一流呀。整體勁滿意，質素又高，一人都係2百多d，但食到勁飽，覺得呢個價錢同其他任食差吾多但呢間就正勁多，真心性價比高，最後店員仲送左兩張300-150元現金卷比我，即係半價啊，勁抵，下次帶埋朋友再食先。