快樂麵麭

Open Now

Now Closed

舊鋪位處皇后大道東，好多時搭車都會經過，一路都覺得係一間個名幾快樂嘅街坊麵包舖。亦都慶幸好耐以前已經試過佢嘅出品，覺得奶油筒其他地方比較少見之外，大致上就係一間傳統街坊麵包舖嘅水平。直至有段時間傳出結業，一時之間群情洶湧。之後喺同一條街覓鋪重開，但評語好似毀譽參半。其實，佢定位本來就係一間街坊麵包舖，突然間要當佢係高級麵包咁去評，其實亦都唔太現實。但係，幫襯街坊麵包舖，食街坊水平嘅食物，一樣可以好快樂。只係希望佢，唔好畀一時嘅群情洶湧充昏頭腦，畀心機做好本業咁就好喇。