翠華餐廳 (Closed)

翠華過多10年會唔會變成香港人既集體回憶呢！香港仔都有多餐廳酒樓食肆，食個早餐姐，去翠華食要排隊架！我約3個月前都食過呢個翠華既早餐，但唔駛等位架喎，而家星期六再黎，由我等位至我食完出黎，門口都係排住人龍無停，勁！多人黎緊係有好野啦，早餐選擇得幾款，但可以加$8食埋皇牌奶油豬！黎到大約上午10點，排隊，大約10分鐘可以入去，叫左A餐$27有煎雙蛋，蛋白係半生熟架，至愛，最鍾意先食曬蛋白，留返蛋黃可以放落通粉，篤穿蛋等蛋黃流出食，又可以就咁成個蛋黃食，蛋黃響口中流出，黏住個口既味道good!~牛油三文治麵包軟唔會變乾變硬。鮑片火腿通加左齋鮑魚，個湯底變得清甜好多，通粉面都落足火腿同鮑魚絲，好味！要多個奶油豬只需加$8，奶油豬一上枱就唔食其他野喇，放耐左好快"淋"，食呢個要完全唔理卡路里、脂肪，新鮮食到個包出面脆卜卜，奶油響包面熔化，必食！響翠華食完早餐真係會活力充沛，係一日既好開始！